ਨੌਕਰੀ ਤੋਂ ਜਵਾਬ ਮਿਲਣ ਕਾਰਨ ਤੇ ਬੇਸਮੈਂਟ ਦੇ ਕਿਰਾਏ ਦੀ ਰੋਜ਼ਾਨਾ ਮੰਗ ਤੇ ਖਾਣ-ਪੀਣ ਦੀਆਂ ਵਸਤੂਆਂ ਆਪਣੀ ਸਮਰੱਥਾ ਤੋਂ ਬਾਹਰ ਹੋਣ ਕਾਰਨ ਉਨ੍ਹਾਂ ਦੀ ਜਿੰਦਗੀ ਦਿਨ-ਬ-ਦਿਨ ਭੁੱਖ ਮਰੀ ਕਾਰਨ ਦੁੱਭਰ ਹੁੰਦੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਪੰਜਾਬੀ ਮੂਲ ਦੇ ਨਿਵਾਸੀ ਕੈਨੇਡਾ ਵਿਚ ਦਿਨ-ਬ-ਦਿਨ ਵਧ ਰਹੀ ਅਪਰਾਧ ਦਰ ਤੋਂ ਸਹਿਮੇ ਹੋਏ ਹਨ। ਆਏ ਦਿਨ ਹੀ ਕਿਸੇ ਐਕਸੀਡੈਂਟ, ਗੋਲ਼ੀਬਾਰੀ ਤੇ ਨਸਲਵਾਦ ਵਿਚ ਪੰਜਾਬੀ ਦੀ ਮੌਤ ਦੀ ਖ਼ਬਰ ਪੰਜਾਬ ਵਿਚ ਬੈਠੇ ਮਾਂ-ਪਿਉ ਤੇ ਰਿਸ਼ਤੇਦਾਰਾਂ ਦੀ ਚਿੰਤਾ ਵਧਾ ਦਿੰਦੀ ਹੈ। ਕੈਨੇਡਾ ਵਿਚ ਇਸ ਵਕਤ ਕਾਨੂੰਨ ਦੀ ਸਥਿਤੀ ਗੰਭੀਰ ਬਣੀ ਹੋਈ ਹੈ। ਪੁਲਸ ਵਾਲੇ ਵੀ ਇਸ ਤੋਂ ਨਹੀਂ ਬਚ ਸਕੇ ਤੇ ਉਨ੍ਹਾਂ ’ਤੇ ਵੀ ਹਮਲੇ ਹੋ ਰਹੇ ਹਨ।