ਅਸੀਂ ਆਪਣਾ ਕਿਸਾਨ ਯੂਨੀਅਨਾਂ ਵਾਲਾ ਜਥੇਬੰਦਕ ਸਰੂਪ ਨਹੀਂ ਤਿਆਗਿਆ ਅਤੇ ਨਾ ਹੀ ਸਾਡਾ ਸੰਘਰਸ਼ ਵਿਚੋਂ ਵਿਸ਼ਵਾਸ ਡੋਲਿਆ ਹੈ - ਅਸੀਂ ਸੰਯੁਕਤ ਕਿਸਾਨ ਮੋਰਚੇ ਦਾ ਹਰ ਹੁਕਮ ਮੰਨਾਂਗੇ ਅਤੇ ਇਸ ਦੇ ਪ੍ਰੋਗਰਾਮਾਂ ਵਿਚ ਵਧ-ਚੜ੍ਹ ਕੇ ਹਿੱਸਾ ਲਵਾਂਗੇ ਪਰ ਇਲੈਕਸ਼ਨਾਂ ਵਿਚ ਇਸ ਦੇ ਨਾਮ ਦੀ ਵਰਤੋਂ ਨਹੀਂ ਕਰਾਗੇ - ਇਹ ਸਾਡਾ ਵਾਅਦਾ ਹੈ। ਅਸੀਂ ਭਾਸ਼ਾ ਦੀ ਮਰਯਾਦਾ ਨਹੀਂ ਭੁਲਾਂਗੇ ਅਤੇ ਦੂਸ਼ਣਬਾਜ਼ੀ ਵਾਲੀ ਨੈਗੇਟਿਵ ਸਿਆਸਤ ਤੋਂ ਗੁਰੇਜ਼ ਕਰਾਂਗੇ। ਅਸੀਂ ਪਾਜ਼ੇਟਿਵ ਸਿਆਸਤ ਕਰਾਂਗੇ - ਜੇ ਤੁਹਾਨੂੰ ਅਸੀਂ ਥਿੜਕਦੇ ਲੱਗੇ ਤਾਂ ਸਾਨੂੰ ਤੁਸੀਂ ਟੋਕ ਵੀ ਸਕਦੇ ਹੋ। ਸੋਸ਼ਲ ਮੀਡੀਆ ਰਾਹੀਂ ਹਰ ਕੋਈ ਆਪਣੀ ਗੱਲ ਸਾਡੇ ਕੋਲ ਪਹੁੰਚਾ ਸਕਦਾ ਹੈ - ਸੋਸ਼ਲ ਮੀਡੀਆ ਨੇ ਚੈਨਲਾਂ ਦੀ ਇਜਾਰੇਦਾਰੀ ਖਤਮ ਕਰ ਦਿੱਤੀ ਹੈ।