ਕਰਫਿਊ ਨੂੰ ਸਫਲ ਬਣਾਉਣ ਹਿਤ ਪੁਲਿਸ ਅਧਿਕਾਰੀਆਂ ਵਲੋਂ ਵਲੰਟੀਅਰਾਂ ਨੂੰ ਭਰਤੀ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਜਾ ਰਹੀ ਹੈ, ਖ਼ਾਸਕਰ ਪਿੰਡਾਂ ਅਤੇ ਸ਼ਹਿਰਾਂ / ਕਸਬੇ ਮੁਹੱਲੇ ਵਿੱਚ, ਕਰਫਿਊ ਨੂੰ ਲਾਗੂ ਕਰਨ ਲਈ, ਖ਼ਾਸਕਰ ਕੁਝ ਖਾਸ ਖੇਤਰਾਂ ਅਤੇ ਪਿੰਡਾਂ ਵਿੱਚ ਜਿੱਥੇ ਪੁਲਿਸ ਦੀ ਮੌਜੂਦਗੀ ਘੱਟ ਹੈ। ਐਸਐਸਪੀ ਬਰਨਾਲਾ ਨੇ 50 ਅਜਿਹੇ ਵਲੰਟੀਅਰ ਭਰਤੀ ਕੀਤੇ ਜਦੋਂ ਕਿ ਐਸਐਸਪੀ ਬਠਿੰਡਾ ਨੇ ਪਿੰਡਾਂ ਵਿੱਚ ਕਰਫਿਊ ਲਾਗੂ ਕਰਨ ਲਈ ਚੌਕੀਦਾਰਾਂ ਅਤੇ ਜੰਗਲਾਤ ਗਾਰਡਾਂ ਨੂੰ ਲਗਾਇਆ ਗਿਆ ਹੈ। ਰਾਜ ਦੇ ਲੋਕਾਂ ਨੂੰ ਦਰਪੇਸ਼ ਕੋਵਿਡ -19 ਦੇ ਗੰਭੀਰ ਖ਼ਤਰੇ ਅਤੇ ਇਸ ਫੈਲਣ ਤੋਂ ਰੋਕਣ ਦੇ ਮੱਦੇਨਜ਼ਰ, ਡੀਜੀਪੀ ਨੇ ਇਕ ਵਾਰ ਫਿਰ ਨਾਗਰਿਕਾਂ ਨੂੰ ਸਵੈ-ਸੰਜਮ ਅਤੇ ਅਨੁਸ਼ਾਸਨ ਦਿਖਾਉਣ ਦੀ ਚੇਤਾਵਨੀ ਦਿੱਤੀ ਅਤੇ ਕਰਫਿਊ ਦੌਰਾਨ ਆਇਦ ਪਾਬੰਦੀਆਂ ਅਤੇ ਤਾਲਾਬੰਦੀ ਦੀ ਸਖਤੀ ਨਾਲ ਪਾਲਣਾ ਕਰਨ ਸਬੰਧੀ ਅਪੀਲ ਕੀਤੀ।
ਡੀਜੀਪੀ ਨੇ ਕਿਹਾ ਕਿ ਸਾਧਾਰਣ ਰਿਕਸ਼ਾ ਚਾਲਕਾਂ ਨੂੰ ਆਪਰੇਸ਼ਨ ਦੇ ਛੋਟੇ ਖੇਤਰਾਂ ਵਿਚ ਸਬਜ਼ੀਆਂ / ਦੁੱਧ ਆਦਿ ਵੇਚਣ ਲਈ ਵੀ ਸ਼ਾਮਲ ਕੀਤਾ ਜਾ ਰਿਹਾ ਹੈ। ਇਸ ਨਾਲ ਸਬਜ਼ੀਆਂ ਦੀ ਡਿਲੀਵਰੀ ਅਤੇ ਰਿਕਸ਼ਾ ਚਾਲਕਾਂ ਨੂੰ ਰੋਜ਼ੀ-ਰੋਟੀ ਦੀ ਸਹੂਲਤ ਮਿਲੇਗੀ। ਜ਼ਰੂਰੀ ਵਸਤਾਂ ਦੀ ਸਪਲਾਈ ਨੂੰ ਹੋਰ ਸੁਚੱਜੀ ਤੇ ਨਿਰਵਿਘਨ ਬਣਾਉਣ ਹਿੱਤ ਅੰਤਰ-ਰਾਜ ਸਪਲਾਈ ਚੇਨ ਨੂੰ ਯਕੀਨੀ ਬਣਾਉਣ ਲਈ, ਪਟਿਆਲਾ ਦੇ ਸ਼ੰਭੂ ਵਿਖੇ ਐਨ.ਐਚ.-1 `ਤੇ ਅੰਤਰ-ਰਾਜ ਬੈਰੀਅਰ ਦੀ ਨਿਗਰਾਨੀ ਲਈ ਆਈ.ਜੀ.ਪੀ. ਪਟਿਆਲਾ ਰੇਂਜ ਦੇ ਜਤਿੰਦਰ ਸਿੰਘ ਔਲਖ ਨੂੰ ਤਾਇਨਾਤ ਕੀਤਾ ਗਿਆ ਹੈ।
