ਉਨਾਂ ਕਿਹਾ ਆਯੂਰਵੈਦਿਕ ਵਿਧੀ ਬਹੁਤ ਹੀ ਮਹਤਵ-ਪੂਰਨ ਪੱਧਤੀ ਹੈ। ਇਸ ਨੂੰ ਉਪਰ ਚੁੱਕਣ ਲਈ ਭਾਰਤ ਸਰਕਾਰ ਨੂੰ ਯੋਗ ਉਪਰਾਲੇ ਕਰਨੇ ਚਾਹੀਦੇ ਹਨ। ਇਸ ਮੌਕੇ ਕੈਂਸਰ ਜਾਂਚ ਅਤੇ ਆਮ ਬਿਮਾਰੀਆਂ ਦਾ ਕੈਂਪ ਵੀ ਲਗਾਇਆ ਗਿਆ, ਜਿਸ ਦਾ ਲੋੜਵੰਦ ਮਰੀਜਾਂ ਨੇ ਲਾਭ ਉਠਾਇਆ। ਹਸਪਤਾਲ ਦੇ ਮੁੱਖੀ ਹਰਭਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਹਸਪਤਾਲ ਵਿੱਚ 1,000 ਬੈਡਾਂ ਅਤੇ ਕੈਂਸਰ ਟੈਸਟ ਮਸ਼ੀਨ ਦਾ ਲੋੜਵੰਦ ਮਰੀਜਾਂ ਲਈ ਪ੍ਰਬੰਧ ਕੀਤਾ ਗਿਆ ਹੈ। ਉਨਾਂ ‘ਸਾਡਾ ਮੋਗਾ ਡੌਟ ਕੌਮ’ ਨਿਊਜ਼ ਪੋਰਟਲ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਇਥੇ ਹਰ ਤਰਾਂ ਦੇ ਕੈਂਸਰ ਦਾ ਇਲਾਜ ਅਤੇ ਜਨਰਲ ਬਿਮਾਰੀਆਂ ਦਾ ਇਲਾਜ ਕੀਤਾ ਜਾਵੇਗਾ ਅਤੇ ਲੋੜਵੰਦ ਮਰੀਜਾਂ ਦੇ ਵਾਜਬ ਰੇਟਾਂ ‘ਤੇ ਟੈਸਟ ਕੀਤੇ ਜਾਣਗੇ। ਵੈਦ ਹਰਭਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਉਨਾਂ ਦਾ ਹਸਪਤਾਲ ਜਿਲਾ ਲੁਧਿਆਣਾ ‘ਚ ਕੁਹਾੜਾ ਵਿਖੇ ਵੀ ਚੱਲ ਰਿਹਾ ਹੈ।